Baxtiyor Yoqubov: "Yangi futbolchilarning barchasi o'zini ko'rsatishga urinmoqda"

"Toshkentdagi yig'in ancha samarali o'tdi deya olaman. Dastlab oliy liga debyutanti "Obod"ni, so'ngra Tojikiston chempioni "Istiqlol" klubini mag'lub etdik. "Olmaliq" bilan o'yinda murabbiylar Mansur Saidov va menga dam berishdi. Yig'inni Jizzaxning "so'g'diyona" klubiga qarshi o'yin bilan tugatdik".

"Tarkibga qo'shilgan yangi futbolchilarning barchasi o'zini ko'rsatishga urinmoqda. "Nasaf"dan kelgan O'tkir Yusupov yaxshi posbon ekanini namoyish etmoqda. Yoshlar jamoasidan Sardor Qulmatov asosiy tarkibga qo'shilib o'yinlarda qatnashmoqda. "SHo'rtan"dan Husniddin G'ofurov va Jamshid Hoshimov hamda Abdurahmon Abdulhaqov kabi yoshlar murabbiylarda yaxshi taassurot qoldirishga urinishmoqda. Tajribali Alisher Samatov va Ilhom Boydadaev kabi futbolchilar ham jamoadagi raqobatni kuchaytirishdi".

"Oldinda Farg'ona Hokimi kubogi kutib turibdi. Bu musobaqada yaxshi natija ko'rsatishga urinamiz. Menimcha mavsum boshlanguniga qadar yana ikki futbolchi qo'shilsa kerak. Hokim kubogidan so'ng 12 fevral kuni yana toshkentga qaytamiz va mavsumga tayyorgarlikni shu erda davom ettiramiz", - deydi Baxtiyor Yoqubov.