Bahrom Hakimov: “Katta ehtimol bilan bugun “Paxtakor” yutsa kerak”

Poytaxtning ikki grand jamoalarining to'qnashuvida kim g'alaba qozonsa o'sha jamoa chempionlik uchun bitta dadil qadam tashlagan bo'ladi. Mazkur uchrashuv oldidan har bir kishi o'z munosabatini bildirmoqda. Biz taniqli murabbiy Bahrom Hakimovning fikrlari esa quyidagicha bo'ldi.
 
- SHabhasiz chempionatning markaziy o'yinidir. Yuqori saviyadagi bahsga guvoh bo'lamiz degan niyatdamiz. Bugun “Paxtakor” durang o'ynasa ham chempion bo'ladi. G'alabaga bo'lgan imkoniyat esa 60x40 “sherlar” foydasiga. Menimcha bugun katta ehtimol bilan “Paxtakor” yutsa kerak. Markaziy yarim himoyada qaysi jamoa kuchli o'ynasa o'sha yutadi. “Paxtakor” qarshi hujum taktikasiga tayanib o'ynashi ham mumkin. Durang ham ularni qoniqtiradi nazarimda. “SHerlar”ni favorit deyishimning sababi shuki bu jamoani “Nasaf” bilan o'yinini ko'rdim. Yigitlar juda yaxshi o'ynashdi. Ancha shakllanganligi ko'rinib turibdi. “Paxtakor”ga qolgan turlar birmuncha osonroq bo'ladi. Oxirgi turda esa “Bunyodkor” bilan o'ynaydi. Unda ham tabiiyki qiyin bo'ladi.

- “Paxtakor” safida Jamshid Iskanderov juda ochildi. Agarda u huddi “Nasaf”ga qarshi bahsdagi o'yinini ko'rsata olsa, “Lokomotiv”ga qiyin bo'lishi turgan gap. Ko'p narsa Kaxi Maxaradze va Jamshid Iskanderovning o'yiniga bog'liq bo'lib qolyapti. Qolaversa undan tashqari chap qanotda Stanislav Andreev ham o'zini ko'rsatishga urinmoqda.

Islombek Rustambekov.