Bahodir Ahmedov: "Ertaga faqat g'alaba uchun o'ynaymiz. Bahsga JCH-2016ga borganlarni ham chaqirdik"

Ushbu uchrashuv o'zbek futboli va sporti rivojiga katta hissa qo'shgan inson Mirabror Usmonov xotirasiga bag'ishlab o'tkaziladi. Ana shu o'yin oldidan futzalchilarimiz bosh murabbiyi Bahodir Ahmedovning fikrlari bilan o'rtoqlashdik.

"Ertangi o'yinda g'alaba uchun to'p tepamiz, kurash bo'ladi. Bu o'yinga muxlislarga tanish nomlarni chaqirdik. 2016 yilgi mundialga borgan futzalchilarimizdan ham taklif qildik. Masalan: Artur Yunusov, Dilshod Irsaliev, Farhod Abdumavlonov, Konstantin Sviridov. Ularga qo'shimcha hozirgi terma jamoadagi o'yinchilarimizdan ham yigitlar bor.

Xullas, ertaga arenaga tashrif buyurgan muxlislar chiroyli va haqqoniy o'yin guvohi bo'lishadi. Vaqt to'xtamaydi, 20 daqiqadan ikkita bo'lim o'ynaladi", - dedi Ahmedov.

Eslatib o'tamiz, 24 fevral kuni bo'lib o'tadigan uchrashuvga kirish bepul. Bahs poytaxtimizdagi "O'zbekiston" sport majmuasida bo'lib o'tadi va 18:00da start oladi.

Vadim Abramov: "Futzalchilar bilan shou bo'lmaydi, oldingi mag'lubiyat uchun revansh olmoqchimiz"