BAA sobiq ustozi: "Kosmin Olariuning afzalligi shundaki, u futbolchilarni yaxshi biladi, shuning uchun uning qarashi ularni ekranlar orqali yoki masofadan kuzatadigan boshqa har qanday murabbiynikidan farq qiladi"

Shuningdek, u jamoaning birinchi o'yinda (0:1) mag'lubiyatiga sabab bo'lgan mudofaadagi kamchiliklarni bartaraf etish muhimligini alohida qayd etdi.

Misfer "Emirates Today" nashriga shunday dedi: 

"Jamoaning Jahon chempionatiga yo'llanma olish imkoniyati va milliy terma jamoa o'yinchilarining imkoniyatlari qo'ldan boy berilmasligi kerak, chunki jamoaning O'zbekiston va Qirg'izistonni engishdan boshqa chorasi yo'q. Shuningdek, Qatar terma jamoasi saralashning so'nggi bosqichida O'zbekistonni mag'lub etishini kutish kerak, bu esa (oq liboslilar — tahr.) mundialga to'g'ridan-to'g'ri yo'llanmani qo'lga kiritishini taminlaydi.

Kosmin tomonidan tanlangan futbolchilar hozirda eng yaxshi tayyorgarlikka ega. BAA himoya va hujum o'rtasidagi muvozanatni saqlagan holda o'ynashi lozim.

O'zbekistonga qarshi to'p tepish murakkab, ammo jamoa o'zini ko'rsatishi mumkin, chunki unda yangi ro'yxatga kiritilgan o'ziga xos xususiyatlarga ega o'yinchilar bor. Ularning barchasi kuchli bo'lib, bu o'yinchilar o'rtasida raqobat muhitini yaratadi. 

Kosminning afzalligi shundaki, u futbolchilarni yaxshi biladi, shuning uchun uning qarashi ularni ekranlar orqali yoki masofadan kuzatadigan boshqa har qanday murabbiynikidan farq qiladi".

Eslatib o'tamiz, BAA — O'zbekiston bellashuvi 5 iyun kuni 21:00 da boshlanadi.