B PRO-liga. O'zbekiston tumanida yangi futbol mavsumi boshlanmoqda

SHu kabi samarali ishlarning natijasi sifatida Farg'ona viloyati hokimi SHuhrat Madaminovich G'aniev tomonidan viloyatning har bir shahar va tumanlarida futbol sport turiga bo'lgan etiborni kuchaytirilishi hamda futbol jamoalarini tashkil etilishi borasida tegishli qarorlari qabul qilindi. Mazkur qarorlar ijrosini taminlash maqsadida O'zbekiston tumani hokimi Qahramonjon Jo'raevning bevosita tashabbuslari bilan Yaypan shaharchasida "Turon" futbol jamoasi tashkil etildi. 2017 yilda tashkil etilgan jamoa 2018 yilgi mavsumda futbol Farg'ona viloyati birinchiligida chempionlikni qo'lga kiritdi. SHuningdek "Turon" 2018 yilgi Farg'ona viloyati kubogi finalchisi va "Navro'z" kubogi sohibi hisoblanadi.

Olib borilayotgan amaliy ishlarning samarasi sifatida 2019 yilgi mavsumdan boshlab tajribali murabbiy Bahrom Hakimov boshchiligidagi O'zbekiston tumanining "Turon" jamoasi B Pro-Liga musobaqalarida ishtirok etadi. Jamoa Otabek Isroilov, Mo'ydin Mamazulunov, Sobir Hamidov kabi tajribali futbolchilar bilan tarkibini kuchaytirib olgan. SHuningdek O'bekiston (U-19) terma jamoasi safida ishtirok etayotgan Asliddin Toshtemirov ham "Turon" futbol klubi azosi sanaladi.

"O'zbekiston" stadionining xozirgi holati

- O'zbekiston PFL tomonidan futbol uchrashuvlari o'tkaziladigan stadionlar holatini yaxshilash, o'yingohlarda muxlislar va OAV vakillariga qulay sharoitlarni yaratilishini taminlash borasida qo'yilayotgan talablar natijasida jamoamizning uy uchrashuvlari o'tkaziladigan stadion maysasi to'laqonli yangilandi, o'rindiqlar tamirlandi, futbol muxlislariga uchrashuvlarni stadionning o'zida tomosha qilish uchun sharoitlar yaratildi. Muxlislarmiz uchun yana bir yangilik, joriy mavsumdan etiboran tumanimiz hokimi tashabbuslari bilan stadionimiz "O'zbekiston" deb nomlanishi belgilab qo'yildi.Ayni damda tumanimizda Pro-Liga musobaqalarining ochilishiga katta tayyorgarlik ishlarini olib bormoqdamiz. Yangi tashkil etilgan jamoamiz Omon G'ofurov, Diyor Imomxo'jaev kabi O'zbekiston PFL mutasaddi rahbarlari tomonidan qo'llab-quvvatlanayotganligi bizga yanada ishtiyoq beradi. O'zbekiston PFL tomonidan ishlab chiqilgan klublarni licenziyalash talablari, reglamentning naqadar to'g'ri ekanligini bizning klub misolida ko'rish mumkin. Bularning natijasida stadionimiz mukammal va zamonaviy ko'rinishga keldi - deydi "Turon" futbol klubi prezidenti, bosh direktori Abduvahob Ahmadaliev.

2019 yil 11 aprel kuni "V" Pro-Liga musobaqalarining 1-turi doirasida "Turon" o'z maydonida Toshkentning "Lokomotiv-BFK" jamoasini qabul qiladi. Uchrashuvdan oldin rasmiy shaxslar ishtirokida tumanda katta futbol musobaqalarining ochilish marosimi hamda koncert dasturlari o'tkazilishi rejalashtirilgan.


Bekzod Tolibov tayyorladi.