Azim Ahmedov: “Paxtakor” bu yil o'ziga o'xshamadi"

“Bu yilgi mavsum “Paxtakor” uchun ijobiy o'tdi deya olmayman. CHunki “Paxtakor” faqat chempionlik uchun kurash olib boradigan jamoa hisoblanadi. Afsuski bu yil jamoamiz uchun omadsiz yil bo'ldi.

Birinchi davrada jamoaga qo'shilib ketishim biroz qiyin bo'ldi. Bunga hayajonlanganim sabab bo'lgan bo'lsa kerak. Ikkinchi davradan esa o'zimni yaxshi his qila boshladim. Jamoa o'yin uslubiga ancha moslashib oldim. Nasib qilsa kelasi yili chempion bo'lish uchun harakat qilamiz.

“Paxtakor” bu yil o'ziga o'xshamasdan harakat qildi. Bunga omadsizligimiz ham sabab bo'ldi, deb o'ylayman.

Bu yilgi mavsumda eng yaxshi futbolchi menimcha Jaloliddin Masharipov va Temurxo'ja Abduxoliqov bo'lsa kerak. CHunki ular jamoa safida juda ham yaxshi harakat qilishdi. Murabbiylardan “Lokomotiv” klubi bosh murabbiyi Andrey Miklyaev va “Nasaf” bosh murabbiyi Ro'ziqul Berdiev yil murabbiyi bo'lishsa kerak”, - deydi “Paxtakor” futbolchisi Azim Ahmedov.

Jahongir Sotvoldiev.


Saytimizning Facebook dagi sahifasi - facebook.com/championat.asia