"Atletiko" va "Barselona" Amrabat uchun kurashadi

Marokash terma jamoasi azosi yanvar oyidagi transferlar oynasida ko'plab klublarning bosh maqsadiga aylangan edi. Buni yarim himoyachining akasi ham tasdiqladi. 26 yoshli futbolchi ayni paytda eng ko'p etiborni o'ziga tortib kelayotgan o'yinchilardan biri bo'lib qolmoqda.

Amrabatni o'z takrkibiga qo'shib olishni niyat qilganlar orasida La Ligada "Barselona"dan tashqari "Atletiko" Madrid ham paydo bo'ldi. Klub afrikalik futbolchini "Vanda Metropolitano"ga keltirish uchun jiddiy urinishni amalga oshiradi. Amrabatning o'zi Ispaniya chempionatiga yo'l olishni istaydi. "Atletiko" u qadrlaydigan klublar qatorida. U yaqinda poytaxt klubi bosh murabbiyi Diego Simeoneni maqtadi va bu uning "Atletiko"ga o'tishi haqidagi taxminlarni kuchaytirdi.

"Atletiko" Madridning Amrabatga bo'lgan qiziqishi jamoada Aksel Vitselning kelajagi noaniq bo'lgan bir paytda yuzaga keldi. Italiya klubi yulduzi belgiyalik yarim himoyachining o'rnini to'ldirishi mumkin. Vitselning klub bilan shartnomasi mavsum oxirida nihoyasiga etadi. Uning otasi futbolchi klubni tark etishiga ishora qildi.

"Atletiko" Sofyan Amrabat uchun "Barselona" va "Liverpul" bilan raqobat qilishiga to'g'ri keladi. A Seriya vakili futbolchisini arzonga qo'yib yubormasligi tayin. Kataloniya klubi moliyaviy qiyinchiliklar sharoitida marokashlik o'yinchini xarid qilishga qurbi etmasligi mumkin.