Atletiko Madrid Manchester Yunayted Grinvud uchun so'ragan summadan shokka tushib qoldi

Mundo Deportivo xabariga ko'ra, «Atletiko» «Manchester Yunayted»ga 22 yoshli angliyalik futbolchining transferi bo'yicha so'rov yuborgan va bunga javoban inglizlar 58 million evrolik chek jo'natishgan. Qayd etilishicha, «Atletiko» inglizlarning bunday talablaridan «shokka» tushib qolgan.

Ispaniyadagi ilk mavsumida 22 yoshli Grinvud «Xetafe» safida barcha musobaqalarda 27 ta o'yinda maydonga tushib, 8 ta gol urdi va 5 ta golli uzatmani amalga oshirdi. Transfermarkt portali Grinvudning narxini 15 million evroga baholagan.