"Atletiko" agar Ermosoning trasferi amalga oshmasa, Blind yoki Otamendini ijaraga olmoqchi
25 iyu 2019 13:01
Yangiliklar

"Atletiko" agar Ermosoning trasferi amalga oshmasa, Blind yoki Otamendini ijaraga olmoqchi

"Atletiko" "Espanol" himoyachisi Mario Ermosoning transferi amalga oshmay qolgan taqdirda qanday yo'l tutishini aniqlab oldi.

"Matraschilar"ning "B" rejasida bir mavsum uchun ijaraga futbolchi olish va 2020 yil yozda Ermosoni tekinga qo'lga kiritish bor. Hozir esa Madrid klubi "Espanol"ga 40 million evro to'lashga tayyor emas.

Tanlovlar ichida "Ayaks"dan Deyli Blind bor. U ham Ermoso kabi ham chap qanotda, ham markazda o'ynay oladi. "Atletiko" sport direktori Andrea Bertening yagona muammo futbolchi bilan muzokara o'tkazilayotgan payt "Ayaks" bilan futbolchining tovon puli masalasi kelishib olishi qiyin kechishidir.

"Manchester Siti"dan Nikolas Otamendi ham muqobil variant sifatida ko'rilmoqda. Otamendi hamyurti Diego Simeonening talablarini qondiradi. Bu variant haqiqatga yaqinroq, ammo yagona muammo futbolchining yuqori maosh olishidadir.