Asror Aliqulov: "Tarkibimiz yosh bo'lishiga qaramasdan, Superligaga chiqish uchun o'ynaymiz"

- O'yinda qo'shimcha taymlar bo'lishini kutmagandik. Superliga va Pro-liga jamoalari futbolchilarining jismoniy tayyorgarligida katta farq bor. O'yindan oldin biz imkon darajasida tezroq o'ynab, bo'sh hududlardan unumli foydalanishni niyat qilgandik. Umuman olganda ko'zlagan qaysidir maqsadlarimizga erishdik. Afsuski, birinchi bo'limda golga tortadigan ajoyib vaziyatdan unumli foydalana olmadik va o'z xatomiz evaziga gol o'tkazib yuborib, mag'lub bo'ldik. AGMKNi keyingi bosqichga chiqqani bilan tabriklayman. Yigitlarning bugungi o'yinidan mamnunman. Ular o'zlarining ajoyib xarakterini ko'rsatib, so'nggi daqiqalargacha o'yinni qutqarib qolish uchun harakat qilishdi.

Albatta, barchaga imkoniyat beriladi. Hozirda "Mashal"ning ko'plab futbolchilari Superliganing bir necha jamoalarida faoliyat olib borishmoqda. Superligaga chiqsak ushbu futbolchilarni qaytarib olamiz va ularga imkoniyat beramiz. Hozirgi tarkibimizda esa yosh futbolchilar juda ko'p. Ular har bir o'yinni bir tekisda o'tkaza olishmaydi. Ammo tarkibimiz yosh bo'lishiga qaramasdan, biz Superligaga chiqish uchun o'ynaymiz.