Asror Aliqulov: "Faoliyatimda yangi chaqiruv? Buning vaqti keldi, deb o'ylayman"

"O'yinga tayyorgarlik jarayonida raqibga qarshi agressiv to'p tepishni rejalashtirgandik. Afsuski, ilk daqiqadan xatoga yo'l qo'ydik. "Paxtakor" esa jazoladi. Ular tezlik tomonlama yaqqol ustunlik qilishdi. Bugun Pro liga va Superliga o'rtasida farq sezildi. Har tomonlama kuchli ekanligi sezildi", – dedi Asror Aliqulov.

- Birinchi bo'limda jamoa imkon qadar kurashdi va munosib qarshilik ko'rsata oldi. Ikkinchi bo'limda futbolchilarni kuchi etmadimi?

- Maydon egalarida ikki qanot himoyachilari hujumga chiqadi. SHu pallada to'pni yo'qotmasdan, qarshi hujumga o'tishimiz kerak edi. Birinchi bo'limda hujumlarimizni yakunlay olmadik. Oxirgi pas etishmadi. Ikkinchi bo'limda xatolar ko'rindi. Tahlil qilamiz. 

- Faoliyatingizda yangi chaqiruv olishni vaqti kelmadimi? "SHo'rtan"da uch yildan beri mehnat qilib kelmoqdasiz. Balki yangi mavsumda jamoangizni o'zgartirarsiz? O'sishingiz uchun ham bu kerak...

- Vaqti keldi, deb o'ylayman. CHunki har yili yangi jamoa tuzamiz. Futbolchilarni saviyasini bir-biriga yaqinlashtirish uchun vaqt kerak bo'ladi. Bu tomondan juda katta qiyinchilikka duch kelyapmiz. 

- Birinchi davradagi va SHackix kelgandan keyingi "Paxtakor" o'rtasida qanday tafovut sezdingiz?

- "Paxtakor" Superligada yaxshigina qarama-qarshilikka duch kelmoqda. Futbolchilar SHackixni uslubiga ko'nikishi uchun vaqt kerak. O'yin uslubida o'zgarish bor. Superligada "Neftchi"ga qarshi o'yinni hisobga olmaganda to'liq ustunlik qilmayapti. Biroq o'yinni nazorat qilish borasida o'sish bor.