"Arsenal" Vlaxovich uchun 80 million evro to'lashga tayyor, biroq futbolchi buni istamayapti

London klubi allaqachon florenciyaliklar bilan forvard transferi borasida muzokara olib borgan. 

"Fiorentina" bosh direktori Jo Barone va sport direktori Daniel Prade "kanonirlar"ning istagini bilish uchun Londonga uchib ketishdi.

"Arsenal" "Fiorentina" so'rayotgan 80 million evroni yanvarda to'lashga tayyor. Londonliklar summaning bir qismini belgilangan shaklda, bir qismini esa bonuslar ko'rinishida to'lamoqchi.

Klublar kelishuvga erishishga yaqin, biroq futbolchi va uning agenti "Arsenal"ga o'tishni istamayapti. Futbolchining agenti yanada yaxshiroq takliflarni o'rganmoqchi va yozgacha kutishga tayyor.

Agar shunday bo'ladigan bo'lsa, "Fiorentina" qiyin ahvolga tushib qoladi, chunki klub yanvar oyida Vlaxovichning o'rniga hujumchi sotib olmoqchi edi. Asosiy nomzod "Sassuolo"dan Domeniko Berardi hisoblanadi.

Joriy mavsumda 21 yoshli futbolchi A Seriyaning 11 o'yinida 8 ta gol urdi va bitta golli uzatmani amalga oshirdi.