Arsen Venger: “Lakazett o'yindan-o'yinga kuchayib boryapti”
26 sen 2017 04:16
Yangiliklar

Arsen Venger: “Lakazett o'yindan-o'yinga kuchayib boryapti”

“Arsenal” klubi bosh murabbiyi Arsen Venger “Vest Bromvich Albion” ustidan qozonilgan g'alaba (2:0)dan so'ng o'z fikri bilan o'rtoqlashdi.

“Emireyts - Eshberton Grouv” stadionida o'tgan o'yindagi har ikki gol Aleksandr Lyakazett hisobiga yozilgandi.

“Mehmonlar bizga qarshi kuchli pressing namoyish etishdi. Ayniqsa, birinchi bo'limda bu yaqqol ko'zga tashlanib qoldi. Tanaffusdan so'ng o'yin nazoratini qo'lga oldik. “Albion” darvozasiga belgilangan penalti? Men buni keng muhokamaga sabab bo'ladigan holat deb hisoblamayman.

Aleksandr Lakazett o'yindan-o'yinga kuchayib boryapti. Bu shaxsan meni xursand qilyapti. Harakatlari ham yaxshi. Uning Angliyaga kelganiga ko'p vaqt bo'lmadi. Buni ham esdan chiqarmaslik kerak. Premer-ligada jismoniy tayyorgarlikka qo'yiladigan talab juda ham kuchli”, - dedi Venger.