APLning 14 klubi eng boy 6 jamoaga qarshi
05 okt 2017 11:28
Yangiliklar

APLning 14 klubi eng boy 6 jamoaga qarshi

Teglar : APL

Angliya Premer-ligasi jamoalari chetda televizion huquqlarni sotishdan tushadigan foydani taqsimlashdagi o'zgarishlarga qo'shilishmadi.

APLning eng boy 6 klubi - "Manchester Yunayted", "Manchester Siti", "Tottenxem", "Arsenal", "Liverpul" va "CHelsi" ko'proq pul olmoqchilar. Liga rahbari Richard Skademor telehuquqlarni chetga sotishdan tushgan foydaning 35 foizini jamoalarning turnir jadvalidagi o'rniga qarab taqsimlash borasidagi rejani namoyish etgan edi. CHempionatning qolgan 14 jamoasi bu taklifni qo'llab-quvvatlashmadi.

25 yil davomida Angliya telehuquqlarni xorijga sotishdan tushgan foyda klublar o'rtasida teng bo'linib kelingan. 2016 yildan 2019 yilgacha bu foyda 1.07 milliard funtni tashkil etadi.

Bundan tashqari, AQSH, Xitoy va Afrikaning ayrim davlatlari bilan yangi shartnomalarga ko'ra, APL 2019-2022 yillar davomida yiliga 476 million funt oladi.