APLga yo'llanma beruvchi so'nggi o'rin uchun Lempard va Belsa jamoalari ham kurashadi

"Kanareykalar" Angliyaning birinchi divizionida o'z tarixida ikkinchi bor chempionlikni qo'lga kiritdi va 46 turda 94 ochko jamg'arib APLga yo'l oldi.

Ikkinchi yo'llanma "SHeffild Yunayted" jamoasiga nasib etdi. Ushbu klub 89 ochko bilan ikkinchi o'rinni egalladi.

APLga yo'llanma beruvchi uchinchi yo'llanma uchun "Lids" (83 ochko), "Vest Bromvich" (80), "Aston Villa" (76), "Derbi Kaunti" (74) jamoalari kurash olib borishadi.

Marselo Belsa boshqaruvidagi "Lids" debyutant murabbiy Frenk Lempard jamoasiga qarshi ("Derbi Kaunti") bellashadi. Ikkinchi juftlikda esa "Aston Villa" - "Vest Bromvich" to'qnashuvi o'tkaziladi.e

Yarim final o'yinlari uy-safar tizimida 11-15 may kunlari bo'lib o'tadi. Finalga chiqqan ikki jamoa 27 may kuni "Uembli" stadionida APL yo'llanmasi uchun kurashadi.