Andrey Miklyaev: "Yangi mavsumni g'alaba bilan boshlamoqchimiz"

"Yangi mavsum bilan barchani tabriklayman. Ertangi bahsda g'alaba qozonishni istaymiz. Aytishadiku qanday boshlasang shunday davom etadi. Umid qilamanki "Al Vahda"ni mag'lub eta olamiz", - deydi Andrey Miklyaev.

"Al Vahda" jamoasi Osiyoda o'z o'rniga ega bo'lgan jamoa. Garchi legionerlarini Toshkentga olib kelmagan bo'lsa ham yaxshi saviyadagi jamoa. Ertaga chiroyli o'yin ko'rsatib muxlislarimizni xursand qilamiz deb o'ylayman", - deydi Ikrom Aliboev.

- Murabbiylar shtabi "Al Vahda"ni etarli darajada o'rganib chiqdimi?
- Klub haqida to'liq malumot bor. Jamoa o'z milliy chempionatida 20tadan ortiq o'yindan yutqazmay kelayotganini bilamiz. Tarkibida kuchli legionerlar va mahalliy futbolchilar ham bor.

- "Al Vahda" safida 3 nafar legioner futbolchisi kelmagani "Loko"ga qanchalik foyda bo'ladi?
- Bu haqda umuman o'ylamayapmiz, bu ularning muammosi. "Al Vahda" safida mahoratli futbolchilar etarli. Andrey Fyodorov o'z vaqtida Djudjakni kuzatgan va Rossiya klublaridan biriga o'tkazishi mumkin bo'lgan. Hujumda argentinalik futbolchisi bor, himoyada koreyalik o'yinchsi bor. Ular Toshkentga kelmadi? Nima ham derdim jarohat futbolning ajralmas qismi.

- Futbolda muxlislarning daldasi qanchalik muhim? Ertangi bahsdan oldin muxlislarga nima deysiz?
Ikrom Aliboev: - "Al Vahda" bilan o'yinga muxlislar kelishini xohlaymiz. Bizning ham o'yinlarimizda stadionimiz to'lishini istardik. 8000 minglik stadion ertaga to'lsa juda ajoyib bo'lardi. Keling, chiroyli o'yin guvohi bo'lasiz. Nasib qilsa g'alaba qozonamiz.

- "Al Vahda" jamoasiga qanday baho berasiz? Jamoa safidagi muhim o'yinchi kim?
- Bu jamoa juda tartibli o'ynaydi. Ko'p gol urmasa ham himoyada ishonchli o'ynab natijaga erishadi. Muhim o'yinchi? Himoyada koreyalik futbolchi, yarim himoyada Djudjak, hujumda argentinalik futbolchi. Qisqa qilib aytganda yaxshi futbolchilari ko'p.

Narzulla Saydullaev