Andrey Miklyaev: "Al Hilol"dan oldin "Paxtakor" bilan muhim o'yinimiz bor"

"Barchasi rejamiz bo'yicha ketdi. Gol urishimiz kerak edi, urdik va g'alaba qozondik. Yana ko'proq urishimiz mumkin edi. Raqib himoyada o'ynashini bilardik. "Obod" qarshi hujumda harakat qildi", - deydi Mikyalev.

- Fayziev asosiy tarkibdagi o'rnini yo'qotib qo'ydimi?
- Nimaga endi. Bizda raqobat juda kuchli, shu bois barchaga imkoniyat berayapmiz. Kim o'zini ko'rsatsa asosiy tarkibda tushadi.

- Ivan Nagaev kam maydonga tushmoqda...
- Bir vaqtning o'zida uch nafar hujumchi bilan o'ynay olmaymiz. SHu bois hozircha Ivan Nagaev faqat zaxiradan tushmoqda.

- Jamoa mag'lubiyatsiz seriyani davom ettirmoqda. SHunday bo'lsa ham kamchiliklar bormi?
- Albatta. Kamchiliklarimiz juda ko'p. Faqat bu ichki sirlarimiz. Kamchiliklar ustida ish olib borayapmiz. 

- "Al Hilol"ni o'rganishni boshladinglarmi?
- To'g'risi hozircha bu jamoani o'rganishni boshlaganimiz yo'q. Sababi oldinda bizni "Paxtakor"ga qarshi muhim bahs kutib turibdi.