Andrey Fyodorov: "Omadimiz keldi va safardan g'alaba bilan qaytayapmiz"

Kutganimizdek, juda og'ir uchrashuv bo'ldi. Dinamo turnir jadvalida pastki o'rinlarda ekanligi uchun faqat g'alabani ko'zlashini bilardik. SHu bois, qarshi hujumga etibor berdik. Ochig'ini aytaman, omadimiz keldi va safardan g'alaba bilan qaytayapmiz - deya gap boshladi mehmonlar murabbiyi. O'yin davomida yakka kurashlar ko'p bo'ldi. Jamoam ko'rsatgan o'yindan qoniqmadim, ammo natija xursand qildi. Bugun omad biz tomonda bo'ldi.

Ketma-ket g'alabadan keyin to'rtinchi o'rin uchun kurashamiz, ammo hali Osiyo maydonlarida to'p surish haqida o'ylashga juda erta. Asosiysi har bir o'yinda tushib, g'alaba qozonish. Bugun ko'rdikki, Oliy Ligada etakchilarni aytmaganda, qolgan jamoalarning o'yin saviyasi bir xil. Penalti haqida gapiradigan bo'lsam, o'sha vaziyatda nima bo'lganligini ko'rolmay qoldim. SHu bois bu haqda aniq fikr aytishim qiyin.

Ochig'ini aytsam, Dinamo jamoasi shunday o'yini va tarkibi bilan turnir jadvalining pastki o'rinlarida ekanligiga hayronman. Dinamo menda juda yaxshi taassurot qoldirdi - deya fikrini yakunladi Fyodorov.