"Andijon": "Navbahor"ga qarshi o'yin oldidan

Afsuski, muhim o'yin oldidan tarkibda yo'qotishlar bor. O'tgan turda “Obod”ga qarshi bahsda jamoa sardori Ibrohim Otaxonov oyog'idan jiddiy jaroxat olgandi. SHu kuni futbolchining oyog'iga gips qo'yilgandi. SHu bois Otaxonov derbida “Andijon”ga yordam bera olmaydi va u uchun mavsum kutilmaganda erta yakunlandi. Bundan tashqari markaziy himoyachi Javlon Guseynov ham betobligi sababli “Navbahor”ga qarshi bahsni o'tkazib yuboradi. Tabiiyki ushbu futbolchilarning yo'qligi oliy ligada qolish uchun hal qiluvchi bo'lgan o'yinda jiddiy yo'qotish deb atash mumkin.

Eslatib o'tamiz, uchrashuv soat 14:00da boshlanadi. Barcha ishqibozlarni chempionatning so'nggi uchrashuviga taklif etib qolamiz.

"Andijon" matbuot xizmati