"Andijon" endi xususiy klub emasmi? Klub bosh direktori Ulug'bek Mirzaev javob berdi

Suhbat davomida bir qator qiziqtirgan savollarimizga javob oldik. Bilasiz, "Andijon" jamoasi bunga qadar xususiy klub maqomida edi. Endilikda vaziyat qanday?

"Hozirgi kunda jamoani Andijon viloyati hokimligi o'z nazoratiga olgan. Xabaringiz bor, viloyat hokimi mavsum so'nggida futbolchilar, murabbiylar, ishchi xodimlar oldida yig'ilib qolgan barcha qarzdorliklarni bartaraf etdi. Bizga juda yaxshi bo'lgani, hozirda dekabr oyi oyliklari ham yopilgan. Ayni paytda barcha harakatlar, mablag'lar 2023 yil uchun to'planyapti. CHunki deyarli 99 foiz jamoalar dekabr oyi maoshlarini to'lashlari kerak. Agar oktyabr, noyabr oyliklarini berishgan bo'lsa. Ammo biz ham istaymizki, "Andijon" jamoasining muayyan homiysi bo'lishini. Yashirishni hojati yo'q, Superligada ayrim jamoalarning aniq homiylari bor. Masalan "O'zmetkombinat" "Metallurg"ning homiysi, NKMK "Qizilqum", OKMK AGMK, hududiy elektor tarmoqlari akcionerlik jamiyati "So'g'diyona"da, gidroenergiya "Surxon"da, shu kabi muayyan homiyga ega bo'lishni istaymiz. SHanba kuni bo'lib o'tgan kongressdan so'ng Abdusalom Azizov bilan uchrashuv bo'lib o'tdi. SHunda men Abdusalom Azizovdan iltimos qildim. Yaqin kunlarda elon qilinadigan futbolni rivojlantirish bo'yicha hukumat qarori tayinlanayotgan ekan. SHu qarorga bosh homiy sifatida "O'zavtosanoat" korxonasini kiritishni iltimos qildik.

O'ylaymanki, bunday katta kompaniyaning homiy bo'lishi Andijon futboliga katta turtki beradi. SHundan keyin jamoamizni kuchaytira olsak, baribir futbolda hamma narsa moliyaga bog'liq. PFL uchun ham, o'zbek futboli uchun ham obro' olib bera olamiz. Har bir uchrashuvda 20 mingdan oshiq muxlis kirsa, Nodirbek To'ychiev boshchiligidagi fan klubimiz o'yinlarni yondirib beradi. 2023 yilda O'FA bizga katta yordam bersa, homiyni ham, futbolimiz rivojiga katta hissa qo'sha olamiz. Bu bevosita O'zbekistonda sportni rivojlantirishga tasir qiladi",- deydi Ulug'bek Mirzaev.