Andijonga JCH-2003 ishtirokchisi qo'shildi

Eldor Sakaev boshqaruvidagi «burgutlar» bugun tushlikdan «Bunyodkor» yoshlar jamoasiga qarshi bahs olib boradi.

Tarkibni tajribali o'yinchilar hisobiga kuchaytirish ishlari olib borilmoqda. Yaqinda andijonliklar lageriga mamlakatimizdagi taniqli futbolchilaridan biri - Islom Inomov kelib qo'shildi. O'tgan mavsum super liga vakili «Olmaliq»da o'ynagan futbolchi, 2009 yilgi mavsumda ham «Andijon» sharafini himoya qilgandi.

Bundan tashqari Inomov futbolchilik faoliyati davomida «Paxtakor», «Lokomotiv», «Bunyodkor» hamda «Nasaf» kabi jamoalarda xarakat qilib, bir qator sovrinlarni qo'lga kiritgan.

SHuningdek tajribali futbolchi 2003 yili yoshlar o'rtasidagi jahon chempionati qatnashchisi, turli yoshdagi terma jamoalar va Osiyo chempionlar ligasi ishtirokchisi ham sanaladi.

Ayni damda Islom Inomov «Andijon» mashg'ulotlarida ishtirok etmoqda.