Amorim MYU xodimlarining Evropa Ligasi finaliga safari uchun pul to'ladi
15 may 15:29
Yangiliklar

Amorim MYU xodimlarining Evropa Ligasi finaliga safari uchun pul to'ladi

"Manchester Yunayted" bosh murabbiyi Ruben Amorim 30 nafar klub xodimi va ularning oila azolarining Evropa Ligasi finaliga borish xarajatlarini shaxsan o'zi to'lab berdi.

Bu haqda ESPN xabar berdi.

U klub rahbariyati Bilbaoga tashrif uyushtirish uchun mablag' ajratishdan bosh tortgach, shunday qarorga kelgan.

"Tottenxem"ga qarshi bahs 21 maydan 22 mayga o'tar kechasi Bilbaodagi "Nuevo San-Mames" stadionida bo'lib o'tadi.

Klub Manchesterda o'yinni pullik ko'rishni tashkil qilish bilan cheklanib qoldi, bunda xodimlar va ularning mehmonlari uchun taomlar pulli bo'ladi.

Taqqoslash uchun, PSJ prezidenti Nosir Al Helayfi 1 iyunga o'tar kechasi Myunxenda bo'lib o'tadigan Chempionlar Ligasi finaliga barcha 600 nafar klub xodimiga tekin chipta taqdim etgan.

Havola :

Manba : ESPN

Yangiliklarni Telegramda o'qing!

Reyting: +15