Alisher SHog'ulomov: “Bir tekisda o'ynay olmayotganimizga qaysidir manoda taqvim sababchi. Lekin...”

“Qiziqarli uchrashuv bo'ldi. Ustunlik yaqqol jamoamiz tomonida edi. Futbolchilar oldiga qo'yilgan vazifani bajarishdi. To'g'ri futbol o'ynashga harakat qildik. Bu o'yinda akademiyamizdan chiqqan yana bir yosh futbolchi asosiy tarkibda debyutini o'tkazdi. Debyutini nishonlagan har bir futbolchi biz uchun faxr, o'ziga hos bayram hisoblanadi. Yaxshi taassurot qoldirdi, golli pas berdi. Ikki barobar xursandmiz.

Bir tekisda o'ynay olmayotganimizga qaysidir manoda taqvim sababchi. Lekin barcha jamoalar bir xil taqvimda harakat qildi. Hozir gapirsam bahona qilgandek bo'lib qolaman. Mavsum o'rtasida moliyaviy sabablarga ko'ra ettita futbolchimizni Superliga klublariga ijaraga berganmiz. Bu yilgi asosiy maqsadimiz yosh futbolchilarga imkon bergan holda keyingi mavsumga jamoani shakllantirish edi.

Joriy yilgi Pro liga bahslari qiziqarli o'tmoqda. Ayniqsa yuqori to'rtlik jamoalari bilan o'yinlar shiddatli kechdi. Quyi to'rtlikda ham kurash qizg'in kechmoqda. “Xorazm” ham yaxshi jamoa, bizga begona bo'lmagan murabbiy ishlamoqda. Aleksandr Ejovni keyigi mavsum jamoamizga qaytarishimiz kerak”,- deydi Alisher SHog'ulomov.