Aleksandr Xomyakov: "Yana hisobda oldinda borib g'olib bo'la olmadik"

"Afsuski yana hisobda oldinda bora turib g'olib bo'la olmadik. Uchrashuv teng kurashlar ostida o'tdi. Ikkala jamoada ham imkoniyatlar bo'ldi. Durang adolatli natija deb o'ylayman. Jizzaxda bizni undan ham og'ir o'yin kutib turibdi. Javob bahsida bizga oson bo'lmaydi. Bizni chempionatda ham ishlarimiz yurishmayapdi. Bitta g'alabadan so'ng yigitlar o'zlarini qo'lga olib olishiga ishonaman. Endi chempionat bahslariga ham puxta tayyorgarlik ko'ramiz. "Bunyodkor" bilan bahsda bizni faqat g'alaba qoniqtirishi mumkin", - deydi Xomyakov.