Aleksandr Lobanov: "To'pni tanam bilan yopib turgan bo'lsam, qanday qilib yon hakam to'p chiziqni kesib o'tganini ko'rishi mumkin?"

O'yindan so'ng "Metallurg" darvozaboni Aleksandr Lobanovdan ushbu uchrashuvda "Paxtakor" tomonidan kiritilgan ikkinchi gol haqida so'radik. Malumot uchun, o'sha vaziyatda Abbosbek Fayzullaev boshi bilan bergan zarbasidan so'ng uchrashuv bosh hakami to'p darvoza chizig'ini kesib o'tdi deb topdi va maydon markazini ko'rsatdi.

- Ikkinchi gol haqida gapira olasizmi?

- Albatta, muammosiz. U vaziyat 100% gol emas edi. Sababi, men darvoza chizig'ini ko'rdim. Men qaerda turganimni ham aniq ko'rib turgandim.  Bu albatta meni fikrim. To'pni tanam bilan yopib turgan bo'lsam, qanday qilib yon hakam to'p chiziqni kesib o'tganini ko'rishi mumkin? U mening ortimda turgandi. Qanday qilib yon hakam 30 metr masofadan turib to'p chiziqni kesib o'tganini ko'rishi mumkin? Bosh hakam vaziyatni ko'rmadi, yon hakam ko'rdi. Bosh hakam o'yinni davom ettirayotgandi. Kattagina savol: "Yon hakam qanday qilib buncha masofadan men tanam bilan to'sib turgan to'pni ichkariga kirib ketganini ko'rishi mumkin? Buni yaxshisi uning o'zidan so'ragan maqul.