"Al Vahda" Toshkentga uch nafar legionerini olib kelmadi
10 fev 2018 21:29
Yangiliklar

"Al Vahda" Toshkentga uch nafar legionerini olib kelmadi

BAAning "Al Vahda" klubi OCHL 1-turidan o'rin olgan o'yinni o'tkazish uchun Toshkentga etib keldi.

12 fevral kuni Laurenciu Regekampf boshchiligidagi jamoa "Lokomotiv" bilan o'ynaydi.

Etiborlisi "Vahda" safida Toshkentga uch nafar legioner kelmadi. Argentinalik Sebastyan Talyabu, marokashlik Murod Batna va koreyalik Rim CHang Vu O'zbekistonga olib kelinmadi. Qizig'i uchala futbolchi 7 fevral kuni BAA pro-ligasi doirasidagi "Xatta"bilan o'yinda to'liq o'ynashgan, Talyabu o'sha o'yinda gol ham urgandi.

Malumot uchun, ushbu mavsum Talyabu 14ta, Batna esa 7ta to'p kiritgan. Qolgan hech bir futbolchi bunchalik ko'p gol ura olmagan.

"Al Vahda" safida Toshkentga kelgan yagona legioner bu Vengriya terma jamoasi azosi Balash Djudjak hisoblanadi. Ushbu yarim himoyachi PSV, "Anji", "Dinamo Moskva", "Bursaspor" kabi klublarda faoliyat olib borgan.