"Al Ahli" Kessie uchun "Barselona"ga qancha to'laydi?

Oldinroq "Barselona" va "Al Ahli" ivuarlik futbolchining transferi borasida kelishuvga erishgani borasida malumotlar tarqagandi. "Mundo Deportivo" xabariga ko'ra, "Al Ahli" ertaga ushbu transferni elon qilishi kutilmoqda. "Barselona" Kessiening ketishidan 12 mln evro ishlab oladi.

Futbolchi yangi klubi bilan 3 yillik shartnoma imzolaydi va yiliga 14 mln evro maosh oladi. "Barselona"da u shundan ikki baravar kam maoshga o'ynagandi.

Frank o'tgan yozda "Milan"dan erkin agent sifatida "Barselona"ga o'tgandi. U o'tgan mavsum 43 o'yinda 3 gol va 3 assist qayd etdi.