Ahmedovning jamoasi Xitoy chempionatining "finalida" qiyin g'alabaga erishdi

2 ochkolik tafovut bilan turnir jadvali peshqadami bo'lib turgan "SHanxay SIPG", amaldagi chempion "Guanchjou Evergrand" jamoasi mehmoni bo'ldi. Durang natija ham Vitor Pereyra shogirdlarining foydasiga xizmat qiladigan uchrashuvni tomosha qilish uchun stadionga 60 000 nafarga yaqin muxlis tashrif buyurdi. Stadiondagi shovqin shu darajada kuchli bo'ldiki, aksar holatlarda hakamning hushtagi eshitilmadi. 

Pereyra bugungi o'yinda Xitoydagi limit tufayli so'nggi o'yinlarda o'z o'rnini Elkesonga bo'shatib berishga "majbur" bo'layotgan Ahmedovga ishonch bildirdi. Sababi bitta, raqib safida yaqindagina Ispaniya chempioni bo'lgan Paulinodek kuchli futbolchisi bor. Aynan Paulino qiyin vaziyatga tushib qolgan jamoasini birinchi bo'lim so'nggida qutqarib qoldi. 2:1 hisobida oldinda borayotgan "SHanxay SPIG"ning darvozabonining ikkita qo'pol xatosi qimmatga tushdi. Avvaliga Alan de Karvalo (43), undan keyin Paulino gol urib tanaffusga chiqishdan oldin hisobni 3:2 ko'rinishga olib keldilar.

Yaqindagina "Barselona"da Messi va Suares kabi futbolchilar bilan birga to'p tepib yurgan futbolchi, bugun hamyurtimizning jamoasi foydasiga penalti ishladi.

Ikkinchi bo'limda shanxayliklar yana hujum taktikasini qo'llay boshladilar. Vu Ley hisobni teglashtirgach, Jang CHeng Lin 79-daqiqada mehmonlarni oldinga olib chiqdi. Birinchi bo'lim qahramoni Paulino antiqahramonga aylandi. Xavf bartaraf bo'lgandek ko'ringan bir paytda, jarima maydonchasi ichida Xalk qo'pollik bilan to'xtatildi. Hakam o'ylab o'tirmay 11 metrlik nuqtani ko'rsatdi. So'ngi bora "Zenit" safida chempionlikni qo'lga kiritgan jamoa sardori darvozabonga hech qanday imkoniyat oldirmadi, 3:5.

2007 yilda "Paxtakor" tarkibida mamlakat chempioni bo'lgan Odil Ahmedov oradan 11 yil o'tib yana oltin medalni qo'lga kiritishga juda ham yaqin turibdi.

Xitoy Superligasi mutassaddilari bugungi o'yinning ahamiyatini yaxshi bilganlari uchun ham bosh hakamlikka Germaniya Bundesligasidan Bastian Dankertni taklif etgan edilar. Uchrashuvning ikkinchi bo'limiga 6 daqiqa qo'shib ergan UEFA hakami, 94-daqiqada "Gunchjou Evergrand" foydasiga penalti berdi, 4:5. 

Xitoy Superligasi 2004 yil tuzilgan bo'lib, so'nggi 7ta chempioni aynan "Guanchjou Evergrand" klubi hisoblanar edi. Odil Ahmedov jamoasining eng yaxshi ko'rsatgichi 2-o'rin bo'lib, bu natija 2017 yil qo'lga kiritilgan edi.

Qizillar 29-turda "SHensi CHanba" jamoasini o'z maydonida qabul qiladi. Aynan shu kuni jamoa ochko yo'qotmasa bo'lgani, "SHanxay SPIG" Xitoy Superligasining chempioni unvonini qo'lga kiritadi.

Guangzhou FC Paulinho - 30', Alan - 43', Paulinho - 45', Alan - 90'

Super League . 28-tur 03/11/2018, 16:35 5 : 4 Tugadi

Shanghai Port Wenjun Lyu - 14', Huikang Cai - 40', Lei Wu - 50', Chenglin Zhang - 79', Hulk - 89'

Stadion: Tianhe Stadium, 49967 tomoshabin

Bosh hakam: Bastian Dankert

45'

90'

30'  Paulinho

30'  Xuepeng Li

43'  Alan

43'  Hanchao Yu

45'  Chenglin Zhang

45'  Paulinho

48'  Zhi Zheng

62'  Zhi Zheng (Bowen Huang)

76'  Hanchao Yu (Wenzhao Zhang)

85'  Chenglin Zhang (Long Zheng)

89'  Lin Gao

90'  Alan

14'  Wenjun Lyu

32'  Huikang Cai

40'  Huikang Cai

50'  Lei Wu

50'  Hulk

66'  Wei Zhang (Guan He)

79'  Chenglin Zhang

89'  Hulk

90'  Hulk

90'  Odil Akhmedov

90'  Wenjun Lyu (Shenglong Li)

Match-senterda ochish

Xitoy Superligasi 28-turdan so'ng