Abdumajid Toirov: “Ikki jamoa o'rtasidagi kurash final yo'llanmasi hal qilingan kundanoq boshlangan”

SHu munosabat bilan bilan saytimiz xodimlari o'zbek futbolida faoliyat olib borayotgan taniqli mutaxassislardan bugungi final haqida fikr va mulohazalar olishmoqda. Jumladan, hozirda Farg'ona futbol akademiyasida ishlab kelayotgan taniqli sobiq futbolchi Abdumajid Toirovning fikrlari etiboringizga havola etiladi.

“Birinchi navbatda har ikki jamoa vakillarini finalga qadar etib kelganliklari bilan tabriklayman” - deya so'z boshladi Abdumajid Toirov. “Navbahor” ham, “Andijon” ham kubok doirasida ko'rsatgan o'yinlari nazdidan finalga munosib edilar. Bu albatta hammaga nasib etavermaydi. Ikki jamoaga ham omad tilayman.

Finalga bu ikki jamoaning chiqqan kunidan boshlab o'yin atrofidagi ajiotaj va atmosfera boshlanib ketdi. Ikki jamoaning muxlislari ham final uchrashuviga katta tayyorgarlik ko'rishayotganiga guvoh bo'layapmiz. Bugun mavsumning eng yaxshi o'yinlaridan birini, katta atmosferali finalni ko'rishimizga shubha yo'q” - deydi taniqli sobiq futbolchi.