2017 yilning eng kuchli milliy chempionatlari. O'zbekiston nechinchi o'rinda?

Unga ko'ra Ispaniya chempionati 2017 yil dunyoning eng yaxshi ligasi deb topildi. IFFHS talqiniga ko'ra La liga 2010 yildan buyon bu borada tengsiz bo'lib kelmoqda.

IFFHS bu reytingni 1991 yilda tuzgan. Hisob-kitob milliy chempionatning eng kuchli 5ta klubining ichki va xalqaro musobaqalardagi natijalaridan kelib chiqib olib boriladi.

1991 yildan buyon eng ko'p Ispaniya chempionati birinchi bo'ldi - 12 marta. Italiya A seriyasi 10 marta, Angliya premer-ligasi 4 marta va Germaniya Bundesligasi 1 marta eng kuchli chempionat bo'lgan.

Angliya premer-ligasi 4 yillik tanaffusdan so'ng ikkinchi o'rinni egalladi. Braziliya A seriyasi bir yil oldin 7-o'rinda edi, 2017 yilda esa 3-o'rinda qayd etildi. Braziliya chempionati Kolumbiya va Argentina chempionatini ortda qoldirib KONMEBOL mintaqasida eng yaxshi bo'ldi.

Italiya A seriyasi 4ta o'rin yuqorilab 4-o'ringa chiqib oldi. Franciya chempionati keyingi o'rinni band etdi. Germaniya bundesligasi esa reytingda 8-o'rinni egallab 1991 yildan buyon eng yomon natijani qayd etdi.

Paragvay chempionati 2016 yilda 17-o'rinda edi, o'tgan yilda esa 9-o'rinni band etdi. Rossiya premer-ligasi 10ta o'rin yuqorilab kuchli 10talikka kirdi.

KONKAKAF mintaqasida hamon Meksika chempionati eng kuchli bo'lib qolmoqda. AQSH MLS ligasi 5 yildan so'ng qitada ikkinchi o'ringa chiqib oldi.

Osiyoda Janubiy Koreya K-Ligasi qatorasiga ettinchi yil qitada tengsiz bo'lib turibdi. Undan keyingi o'rinda Saudiya Arabistoni chempionati qayd etilgan. Yaponiya J-ligasi 9ta o'rin ko'tarilib oldi. O'zbekiston dunyoda 70 va qitda 8-o'rinda boromoqda. Bizdan oldinda Xitoy, Eron, Tailand va BAA chempionatlari ham bor. O'zbekistondan pastda Qatar, Avstraliya, Iroq va Suriya kabi mamlakat chempionatlari joy olgan.  

Afrikada Tunis chempionati 2013 yildan buyon eng yaxshi bo'lib kelmoqda. Misr ligasi qitada ikkinchi, Sudan chempionati uchinchi o'rinni egallagan.

Okeaniya minataqasida hech bir milliy chempionat kuchli 100talikka kira olmagan. Taiti ligasi dunyoda 111-o'ringa chiqib mintaqad ilk bor birinchi bo'ldi. Yangi Zelandiya (118) va Yangi Kaledoniya (126) chempionatlari keyingi pog'onalarda bormoqda.

TOP-20 : UEFA 14, KONMEBOL 5, KONKAKAF 1

TOP-50 : UEFA 32, KONMEBOL 7, OSIYO 5, AFRIKA 5, KONKAKAF 1

UEFA TOP-3 : Ispaniya – Angliya - Italiya

KONMEBOL TOP-3 : Braziliya – Kolumbiya - Argentina

AFRIKA TOP-3 : Tunis – Misr - Sudan

OSIYO TOP-3 : Janubiy Koreya – Saudiya Arabistoni - Yaponiya

KONKAKAF TOP-3 : Meksika – AQSH – Kosta-Rika

OKEANIYA TOP-3 : Taiti – Yangi Zelandiya – Yangi Kaledoniya

TOP-90 
(2017 yil 1 yanvar – 2017 yil 31 dekabr)