2017 yil "Barselona"ga o'tishga yaqin kelgan futbolchi mavsum yakunlanganidan keyin "Fulxem"ni tark etadi

Bu haqda The Guardian nashri jurnalisti Ed Aarons o'zining tvitterdagi sahifasida xabar berdi. Manbaga ko'ra, futbolchi Franciya chempionatiga yo'l oladi. 2017 yil Seri Kataloniyaning "Barselona" jamoasiga o'tishga yaqin kelgan, ammo so'nggi lahzada kelishuv amalga oshmagan.

27 yoshli Seri "Fulxem" klubi tarkibini 2018 yil yozda "Nicca" jamoasidan kelishi orqali to'ldirgandi. Transfer summasi 30 million evroni tashkil qilgan. Joriy mavsum APLning 29 uchrashuvida (26 o'yin asosiy tarkibda) maydonga tushgan Seri 1 ta gol va 2 ta assistni hisobiga yozdirib qo'ygan. Uning londonliklar bilan tuzgan shartnomasi 2022 yio yoz fasligacha amal qiladi. 

Hozirda "Fulxem" jamoasi 17 ochko bilan, APLning oxirgidan ikkinchi o'rinni hech kimga bermay kelmoqda.