14-o'rindagi "Turon" 2022 yilni ham Superligada davom ettiradi, agar...

Lekin shunga qaramay jamoa elit ligada qolishi mumkin. Ajabo, qanday qilib deysizmi? Hammasi oddiy, ja hammasi emasku, lekin 50% ularning o'z qo'llarida.

Keling avval keyingi ikki tur taqvimiga nazar tashlaymiz, aniqroq qilib yozsak, autsayderlarga.

25-tur.
"Bunyodkor" - "Surxon"
"Andijon" - "Navbahor"
"Metallurg" - "Turon"
"Mashal" - "Qizilqum"
26-tur.
"Turon" - "Andijon"
"Surxon" - "Mashal"
"Qizilqum" - "Metallurg"

Guvohi bo'lganingizdek, "Turon"ning keyingi ikki o'yini, superligada jon saqlash uchun kurash olib borayotgan ikki asosiy raqibi. "Metallurg"ni mag'lub etgan taqdirda yaypanliklar finalga "Andijon" bilan o'ynaydilar. Lekin o'sha kuni, aynan o'sha vaqtda ikkinchi final Navoiyda bo'lib o'tadi. "Qizilqum" o'z maydonida "Metallurg"ga qarshi lashkar tortadi. Ikki final "Turon" foydasiga hal bo'lsa va bir tur avval "Andijon" vodiy derbisida "Navbahor"ni mag'lubiyatga uchrata olmasa (so'nggi tur oldidan 20 ochkoga ega bo'ladi) unda bu klub Superligada qoladi, faqat.. Faqat katta ehtimol bilan Pro Ligada 3-o'rinni qo'lga kiritgan "Olimpik" bilan o'tish turnirida o'ynaydi. Har holda bu 13 yoki 14-o'rindan ancha yaxshi vaziyat.

Yuqorida biz "Turon"ga oid taxminlarni elon qildik. Endi navbat "Andijon"ga. Burgutlarning holatiga ham havas qilib bo'lmaydi. Keyingi turda "Navbahor" mag'lubiyatga uchratilgan taqdirda, ular katta ligada qolishlar uchun "Metallurg" ikkita o'yinning bittasida ochko yo'qotishi kerak. O'tish turnirisiz superligada qolishlari uchun esa, "Mashal" keyingi ikki o'yinda, 2ta g'alaba qozona olmasligi kerak. SHunda "Andijon" "Mashal"dan yuqorida bo'ladi, "Metallurg" 100% natija qayd eta olmasa, vodiyliklar 100% superligada qoladilar.

"Metallurg"ning vaziyati "Turon" va "Andijon"ga qaraganda ko'p emasku, oz bo'lsada biroz engilroq. Uyda "Turon"ni mag'lubiyaga uchratsa, hech nima yo'qotmaydigan "Qizilqum"ga safar qiladi. Ammo bu yil avvalgilaridan farqli ravishda, adolat yo'lidan ketgan Hamid Aktamovdan ochko olish oson bo'lmaydi.

"Mashal" va "Surxon"da vaziyat ko'p emasku, biroz engilroq.

Bu shunchaki taqvimdan kelib chiqqan taxminlar xolos. Vaziyatga faqatgina 90-daqiqa tugagandan keyin o'zgaradigan turnir jadvali javob beradi.

Menimcha bu erda hech qanday tanqid yo'q, muallifi shart bo'lmasa kerak.