Ammo bahs-munozaralar maydondan tashqarida ertaroq boshlandi. Iroqlik himoyachi Zayd Tahsinning shanba, 26 sentyabr kuni musobaqaning ikkinchi turi doirasida Quvaytga qarshi o'yindan oldin Jiddadagi shahzoda Abdulloh Al-Faysal stadioni maysasidan hayratini bildirgan videosi saudiyalik muxlislar orasida g'azabli munosabatlarga sabab bo'ldi.
Bu voqea maydon holati bilan bog'liq munozaralarni yana kun tartibiga olib chiqdi. Ayniqsa, so'nggi kunlarda Iroq terma jamoasining tanqidlari takrorlangani va guruh bosqichining so'nggi turida Saudiya Arabistoni terma jamoasiga qarshi muhim o'yin yaqinlashayotgani fonida, muxlislar bu shikoyatlarning davom etayotgani sabablari haqida savollar bera boshlashdi.
Iroq terma jamoasi bosh murabbiyi Grem Arnold va jamoa sardori Ayman Hussayn ham O'monga qarshi o'yindan so'ng maydon holati haqida gapirgan edi. Endi esa tanqidchilar safiga Zayd Tahsin ham qo'shildi. Bu esa bazi saudiyalik muxlislarning noroziligini keltirib chiqardi. Ular bor-yo'g'i ikkita o'yin davomida bunday etirozlarning takrorlanishini asossiz bo'rttirish deb hisoblashmoqda.
Ushbu bahs-munozaralar seshanba, 29 sentyabr kuni birinchi guruhning so'nggi 3-turi doirasida bo'lib o'tadigan Saudiya Arabistoni va Iroq o'rtasidagi to'qnashuv yaqinlashayotgani sababli qo'shimcha e'tibor tortmoqda. "Yashillar" guruh bosqichini 2003 yildan beri qo'lga kiritilmagan Ko'rfaz kubogidagi g'oliblikka bo'lgan umidlarini yanada mustahkamlaydigan natija bilan yakunlashga intilishmoqda.
