"Yuventus" sobiq o'yinchisi Patris Evra "byankoneri"ning Massimiliano Allegri boshchiligidagi muvaffaqiyatidan hayratda.
"Qaysidir manoda buni mo'jiza deb atasa bo'ladi. Allegri benuqson ish qildi, men diqqatni jamlagan, mustahkam, tajovuzkor va kurashuvchan jamoani ko'rmoqdaman. Avgust oyida Chempionlar Ligasiga chiqish haqida gap ketayotgandi, ammo hozir "Yuventus" chempionlik uchun haqiqiy davogardek ko'rinmoqda", – dedi fransiyalik sobiq futbolchi.
"Yuventus" ayni paytda A Seriya jadvalida peshqadam "Inter"dan 1 ochko ortda qolib, 2-o'rinni egallab turibdi.
