O'yindan oldin tashkil qilingan matbuot anjumanida Yaponiya U-23 bosh murabbiyi Go Oiva va o'yinchi Mao Xosoya o'zlarining o'yin haqidagi fikrlarini bildirib o'tishdi.
- Yarim final o'yini haqidagi fikringiz?
- Barcha musobaqa tashkilotchilariga rahmat aytaman. Yarim finalga chiqish jamoa sifatida biz uchun yaxshi natija. O'zbekiston mezbon jamoa va o'yin qiyin bo'lishi aniq. Finalga chiqishga harakat qilamiz.
- O'yinchi Mao Xosoyaning o'yin haqidagi fikralari qanday?
- Yarim final qiyin o'tishi aniq. O'zbekiston musobaqa mezboni. Juda qiyin o'yin bo'ladi. O'yinga etarlicha tayyorlanishga harakat qilaman.
- Janob murabbiy, har o'yinda Yaponiya terma jamoasi hujumkor o'yin ko'rsatishini ta'kidlab keldingiz. O'zbekistonga qarshi ham hujumkor o'yin ko'rsatasizmi?
- Albatta, hujumkor o'yin ko'rsatish bu bizning uslubimiz. Bu jamoani murabbiy sifatida qabul qilib olganimdan beri hujumkor o'yin ko'rsatib kelmoqdamiz. O'z o'yin uslubimizni saqlab qolish biz uchun muhim.
- 2016 yilda aynan shundan musobaqada g'alaba qozongansiz. Bu safar ham shunday maqsaddamisizlar?
- 2016 yilda nima yuz berganini ahamiyati yo'q. Biz aynan hozirgi musobaqa haqida o'ylayapmiz. Hozir o'zimizning eng yaxshi o'yinni ko'rsatish niyatidamiz.
- 2018 yil O'zbeksiton Yaponiyaga qarshi 4:0 hisobida g'alaba qozongan. O'zbekistondan bu safar ham shunga o'xshash syurprizlar kutmoqdamisiz?
- O'zbekiston bilan o'yinda turli sovg'alarga tayyormiz. Bu safar O'zbekiston jamoasi juda kuchli. Buni bilamiz. Ularni hurmat qilamiz. Qiyin o'yin bo'lishi aniq. Ertaga borimizni beramiz.
- O'zbekiston tarkibidagi asosiy o'yinchi kim deb hisoblaysiz?
- Maydonga tushishi mumkin bo'lgan barcha o'yinchi.
- Ertaga agarda muxlislar stadionga kiritilsa, bu o'yinga qanday ta’sir qiladi?
- O'tgan o'yinda nima yuz berganidan xabarim bor. Muxlislarni to'liq tushunaman. Bu ishlar emociya natijasida kelib chiqdi. O'zbekiston mezbon jamoa. Biz ularga qarshi qanday o'ynashni bilamiz. Barcha narsaga tayyor bo'lishimiz kerak.
- Futbolchi Mao Xosoyaning ushbu savolga javob qanday?
- Men ham o'tgan o'yinda nima bo'lganini eshitdim. O'zbek muxlislarini to'liq tushundim. Mening ishim esa o'yinga tayyorlanish.
- O'zbekistonning qaysi poziciyalarini kuchli deb bilasiz? Asosiy darvozabon bu o'yinda maydonga tusha olmaydi. Shu haqida fikringiz...
- Men raqibning har bir poziciyasidagi o'yinchilarni kuchli deb hisoblayman. Darvozabonga kelsak, zaxiradan tushgan darvozabon ham juda iqtidorli ekan.
- O'yinchi Mao Xosoyaga savol. O'yin davomida jamoadoshlaringiz bir-birlarini qanday ruxlantirishadi?
- Bizda o'zaro ajoyib muloqot qilamiz. O'zbekiston termasi haqida juda ko'p ma'lumotga ega emasman. Hozirda aynan o'yinga tayyorlanmoqdamiz.
