Lekin bizning Superligada intriga hali so'ngani yo'q. Turdan-turga vaziyatini og'irlashtirayotgan "Turon" kechagi g'alabasidan so'ng umid uqunlari yana qayta uyg'ondi. "Olimpik" ham hali kafolatlamagan, lekin imkoniyatlari nisbatan yaxshiroq. Timur Kapadze jamoasi ayni paytda 22 ochko bilan 11-o'rinni egallab turibdi. Oldinda ularni yana 5ta uchrashuv kutmoqda.
"Olimpik"
24-tur. "Neftchi" - "Olimpik"
19-tur. "Buxoro" - "Olimpik"
21-tur. "Surxon" - "Olimpik"
25-tur. "Olimpik" - "Navbahor"
26-tur. "Metallurg" - "Olimpik"
"Qizilqum"
"Qizilqum" so'nggi o'yinlarda ketma-ket ochkolarni qo'lga kiritayotgan edi. Lekin kechagi durang aslo qoniqtirmasligi aniq edi. Bordi-yu, kecha 3 ochko qo'lga kiritgan taqdirda "Olimpik"ka yetib olardi. Unutmaslik kerakki, "Olimpik" "Qizilqum"ga nisbatan 2ta ko'p o'yinda maydonga tushadi. Navoiyliklarni oldinda 3ta o'yini qoldi. Uchta sinovning bari vodiy klublariga qarshi.
24-tur. "Qizilqum" - "Andijon"
25-tur. "Neftchi" - "Qizilqum"
26-tur. "Qizilqum" - "Turon"
"Turon"
"Turon" uchun "So'g'diyona" ustidan qo'lga kiritilgan g'alabaning qiymati o'ta yuqori bo'lishi mumkin. Ayni paytga kelib Yaypanliklar bir pog'ona yuqoridagi "Qizilqum"dan 3 ochkoga ortda qolyapti va zaxirasida 1ta o'yini bor. So'nggi turda ikki qo'shnilar Navoiyda uchrashishadi. Katta ehtimol bilan mana shu bahs ko'p narsani hal qilib berishi kerak.
24-tur. OKMK - "Turon"
19-tur. "Turon" - "Neftchi"
25-tur. "Turon" - "Andijon"
26-tur. "Qizilqum" - "Turon"
"Buxoro"
Ulug'bek Bakaev jamoasi endi qanday bo'lmasin ertaga "Paxtakor" bilan kamida 1 ochko qo'lga kiritishi shart. Raqib chempionlik uchun kurashayotganini va darajasini hisobga olsak, "Buxoro"ga mo'jiza yordamga kelishi kerak bo'ladi.
23-tur. "Buxoro" - "Paxtakor"
24-tur. "So'g'diyona" - "Buxoro"
19-tur. "Buxoro" - "Olimpik"
25-tur. "Buxoro" - OKMK
26-tur. "Andijon" - "Buxoro"
Ochkolar teng kelib qolgan taqdirda o'zaro o'yinlar faktori birinchi darajaga chiqadi. Bu boradagi vaziyatni ko'rib chiqamiz.
"Olimpik"
"Qizilqum" bilan 0:0, 1:0 (4 ochko)
"Turon" bilan 1:0, 2:0 (6 ochko)
"Buxoro" bilan 3 ochko (javob uchrashuvi bor)
"Qizilqum"
"Olimpik" bilan 0:0, 0:1 (1 ochko)
"Turon" bilan 0:0 (javob uchrashuvi bor)
"Buxoro" bilan 1:0, 0:1 (teng)
"Turon"
"Qizilqum" bilan 0:0 (javob uchrashuvi bor)
"Olimpik" bilan 0:1, 0:2
"Buxoro" bilan 1:2, 3:2 (teng)
Tushuntirish. Reglamentga yuzlanamiz
8.3. Ikki va undan ortiq qatnashchi to'plagan ochkolari teng bo'lib qolsa, ularning o'rni quyidagi ketma-ketlik bo'yicha aniqlanadi.
- O'zaro uchrashuv (lar) natijasiga ko'ra;
- O'zaro uchrashuvlarda olingan ochkolar natijasiga ko'ra;
- O'zaro uchrashuvlarda urilgan va o'tkazib yuborilgan to'plar farqiga ko'ra;
- Barcha uchrashuvlarda urilgan va o'tkazib yuborilgan to'plar farqiga ko'ra;
- Barcha uchrashuvlarda urilgan to'plar soniga ko'ra;
- Barcha uchrashuvlarda raqib maydonida urilgan to'plar soniga ko'ra;
- Barcha uchrashuvlarda erishilgan g'alabalar soniga ko'ra;
- Barcha uchrashuvlarda uchralgan mag'lubiyatlar sonining aks ta’siriga ko'ra;
- Barcha uchrashuvlarda safar o'yinlarida erishilgan g'alabalar soniga ko'ra;
- Barcha uchrashuvlarda uy o'yinlarida uchralgan mag'lubiyatlar sonining aks ta’siriga ko'ra;
