"Manchester Yunayted"ning sobiq futbolchisi Roy Kin Angliya terma jamoasi va Madridning "Real" klubi yarim himoyachisi Jud Bellingemning o'yin darajasini yuqori baholadi. 3 oktyabr kuni "uch sherlar" Millatlar ligasi o'yinida Xorvatiyani 7:0 hisobida mag'lub etdi. Ushbu uchrashuvda Bellingem bitta gol urdi va uchta golli uzatmani amalga oshirdi.
- Bellingem bolalarga qarshi o'ynayotgan katta erkakdek ko'rinmoqda. U tarixdagi eng buyuk o'yinchilardan biriga aylanishi mumkin. Jud to'p bilan allaqachon ajoyib muomala qiladi, ammo meni eng ko'p hayratda qoldirayotgani - uning to'psiz harakatlaridir. Bu atrofidagi hammaning darajasini oshiradi.
Agar jamoangizda to'p bilan shunchalik yaxshi muomala qiladigan, Madridning "Real" klubida o'ynaydigan va shunga qaramay to'psiz shunchalik ko'p mehnat qiladigan futbolchi bo'lsa - bu qolgan hammani ruhlantiradi. U Angliya terma jamoasi uchun juda katta yetakchidir, - dedi Kin Madrid Universal nashriga X ijtimoiy tarmog'idagi sahifasida.
