Tush vaqtiga yaqin Nukus shahriga yetib kelgan delegaciya a'zolari tantanali ravishda kutib olindi.

O'FA birinchi vice-prezidenti Ravshan Ermatov boshchiligadi delegaciya Qoraqalpog'iston Respublikasi futbol faxriylari, futbolga ulkan hissa qo'shgan insonlar - Mixail Solohin va Serik Ismailov xonadonlariga tashrif buyurdi. Uchrashuv davomida Qoraqalpog'iston futbolining yorqin tarixi va faxriylarning o'lka futboli uchun qo'shgan o'rinlari eslab o'tildi.

Futbol faxriylariga o'zbek futbolining 110 yilligiga bag'ishlangan ko'krak nishoni va esdalik sovg'alari topshirildi.

Shundan so'ng delegaciya a'zolari Qoraqalpog'iston Respublikasi bo'lalar-o'smirlar futbol akademiyasiga tashrif buyurdi.

Uchrashuvda bolalar-o'smirlar maktabining faoliyati, infratuzilmasi va mavjud shart-sharoitlari ko'zdan kechirildi. Qoraqalpog'iston miqyosida bolalar futbolining infrastrukturasi yuzasidan fikr almashildi.

Tadbir davomida futbol faxriylari tomonidan akademiya hududiga manzarali daraxt ko'chatlari ekildi.

Uchrashuv yakunida o'zbek futbolining uch avlod vakillari o'rtasida uchrashuv tashkillashtirildi va faxriylarimiz akademiyaning yosh tarbiyalanuvchilariga o'z tajribasi va maslahatlari bilan o'rtoqlashdilar.

Rejaga muvofiq, delegaciya a'zolari kun yarmidan og'ganda O'zbekiston kubogi doirasida "Aral Somali" - "Yangier" uchrashuviga tashrif buyurishdi. Uchrashuv mehmonlarning 3:0 hisobidagi g'alabasi bilan yakunlandi.

O'zbekiston kubogi doirasidagi "Aral Samali" - "Yangier" uchrashuvidan oldin bir guruh futbol faxriylari taqdirlandi.

Ertaga ham bir qator tadbirlar bo'lib o'tishi rejalashtirilgan.

Qoraqalpog'iston safarining ilk kunidan GALEREYA