Manbaning xabariga ko'ra, joriy haftada ikkala futbolchi ham jarohatlari sabab mankunianliklarning umumiy guruhida mashg'ulot o'tkazmagan, shu bois ularning bo'lajak o'yindagi ishtiroki so'roq ostida qolmoqda.
Oldinroq "Manchester Siti"ga qarshi o'yinni "qizil iblislar" himoyachisi Xarri Maguayr ham o'tkazib yuborishi haqida xabarlar tarqalgandi.
24 yoshli Reshford joriy mavsumda “Manchester Yunayted” safida 6 ta o'yinda maydonga tushib, 3 ta gol urdi va 2 ta golli uzatmani amalga oshirdi. 26 yoshli Marsyal hisobida esa bir uchrashuvda bir golli uzatma mavjud.
Eslatib o'tamiz, "Manchester Siti" - "Manchester Yunayted" o'yini 2 oktyabr kuni bo'lib o'tadi. Uchrashuv Toshkent vaqti bilan soat 18:00 da boshlanadi.
