Bunga sabab har ikkala jamoa bir xil 10 ochko jamg'argan holda turnir jadvalida ketma-ket o'rinlarni egallab turibdi. Yani, Farg'onaning bosh jamoasi Neftchi 11-o'rinda borayotgan bo'lsa, Sho'rtan 12-pog'onada bormoqda.

Qizig'i shundaki, Sho'rtan ham, Neftchi ham bungacha 3tadan o'yinda g'alaba qozonishdi, 1 martadan durang o'ynab, 8ta bellashuvda mag'lub bo'lishdi. To'plar nisbati Neftchida 12-17 (-5)ni ko'rsatayotgan bo'lsa, Sho'rtanning bu boradagi ko'rsatkichi 8-16 (-8) bo'lib turibdi.

Shuni aytishimiz lozim, Neftchi shu paytgacha safarda beshta o'yin o'tkazib, hammasida mag'lub bo'ldi. Jamoa 3ta to'p kiritib, o'z darvozasidan 10ta gol o'tkazib yuborgan. Sho'rtan esa o'z maydonidagi o'yinlarda 2 bor zafar quchdi, bir marta durang o'ynab, ikki marta mag'lubiyatga uchradi. Natijada uydagi bellashuvlarda g'uzorliklar hozircha 7 ochkoni qo'lga kiritishdi.

Sho'rtan va Neftchi jamoalari shu paytgacha G'uzorda o'zaro 8 marta bahs olib borishgan. Mazkur bellashuvlarning 5tasida Sho'rtan va faqat bittasida Neftchi g'alaba qozongan. Shuningdek, 2007, 2008 yil bo'lib o'tgan bahslarda hisob ochilmagan. G'uzordagi o'yinlarda to'plar nisbati 13-3 bo'lib turibdi, albatta Sho'rtan foydasiga.

Shuni qo'shimcha qilishi lozim, Sho'rtan o'z maydonida 2009 yildan beri Neftchini mag'lubiyatga uchratib kelmoqda. Hozircha Sho'rtanning farg'onaliklar ustidan eng yirik g'alabasi 2011 yilgi chempionatda qayd etilgan. O'shanda g'uzorliklar raqibni 4:0 hisobida engishgan. Bundan tashqari, ketma-ket olti yildan beri Sho'rtan Neftchidan gol o'tkazib yuborayotgani yo'q. O'ylaymizki, bu safar ham jamoamiz ijobiy natijaga erishadi. Quyida G'uzordagi uchrashuvlar natijasini keltirib zo'tamiz.

2005 yil. 20-tur.
SHO'RTAN - NEFTCHI - 3:1 (0:1)
Hakam: Popov Aleksandr - 8,4
Gollar: 0:1 - Otaqo'ziev Nosir, 23. 1:1 - Usmonxo'jaev Sobir - penalti, 60. 2:1 - Taran Igor, 64. 3:1 - Taran Igor - penalti, 90

2006 yil. 12-tur
SHO'RTAN - NEFTCHI - 1:2 (1:1)
Hakam: Serazitdinov Viktor - 8,3
Gollar: 0:1 - Otaqo'ziev Nosir, 26. 1:1 - Hasanov No'mon, 30. 1:2 - Kovalenko Ilya, 47

2007 yil. 28-tur
SHO'RTAN - NEFTCHI - 0:0
Hakam: Popov Aleksandr - 8,5

2008 yil. 6-tur
SHO'RTAN - NEFTCHI - 0:0
Hakam: Tambovcev Andrey - 7,8

2009 yil. 24-tur
SHO'RTAN - NEFTCHI - 1:0 (0:0)
Hakam: Ceytlin Vladislav - 9,1
Gol: 1:0 - Gevorkyan Artur, 58

2010 yil. 15-tur
SHO'RTAN - NEFTCHI - 2:0 (1:0)
Hakam: Ceytlin Vladislav - 9,1
Gollar: 1:0 - Erkinov Shahboz, 27. 2:0 - Klishin Viktor, 88

2011 yil. 21-tur
SHO'RTAN - NEFTCHI - 4:0 (2:0)
Hakam: Namozov Baxtiyor - 8,1
Gollar: 1:0 - Taran Igor, 27. 2:0 - Polvonov Zafar, 32. 3:0 - Erkinov Shahboz, 72. 4:0 - Taran Igor, 76

2012 yil. 18-tur.
SHO'RTAN - NEFTCHI - 2:0 (1:0)
Hakam: Ismoilov Marat
Gollar: 1:0 - Taran Igor, 16. 2:0 - Qodirqulov Botir, 55

Prevyu. "Sho'rtan" - "Neftchi"