"Саудия Арабистонига қарши ўйинни анчадан бери кутаётгандик. Уларнинг ҳар бир ёш тоифасидаги терма жамоаси кучли. Европа терма жамоалари билан кўп учрашувлар ўтказишади. Бундай мусобақалар биз учун катта тажриба бериши шубҳасиз. Ҳақиқатдан ҳам Ўзбекистон ёшларининг кучини кўрсата олдик, деб ўйлайман.
Нима бўлишидан қатъий назар биз терма жамоамиз билан биргамиз. Бу саралаш босқичи ўзимизни кўрсатишимиз учун ҳам катта имконият. Халқаро майдонда юртимиз шарафини ҳимоя қилаётганимиз билан фахрланамиз. Бизга ишонч билдираётганларга раҳмат айтаман",- дейди Тохир Тўхтасинов.
Абдулазиз Искандаров ёзиб олди
