Bu uchrashuv nafaqat musobaqadagi taqdirimizni hal qiluvchi ahamiyatga ega, balki o'zbek futboli yilnomasiga ham tarixiy voqea sifatida kiradi.
Gap shundaki, Portugaliya vakillari terma jamoamiz o'z tarixida to'qnash keladigan Yevropaning (UEFA) roppa-rosa 18-jamoasiga aylanadi. Shu kungacha vakillarimiz Ko'hna qitaning 17 ta turli mamlakatlari bilan yashil maydonda kuch sinashishga ulgurgan.
📊 Statistika: Yevropa jamoalari bilan o'yinlar tarixi
Agar tarixga nazar tashlasak, hamyurtlarimiz Yevropa vakillari orasida eng ko'p Ozarbayjon va Qozog'istonga qarshi to'p surishgan. Umumiy ko'rsatkich quyidagicha:
Ozarbayjon - 10 ta o'yin
Qozog'iston - 7 ta o'yin
Belarus - 3 ta o'yin
Gruziya va Ukraina - 2 tadan o'yin
1 tadan o'yin: Rossiya, Turkiya, Shvetsiya, Niderlandiya, Slovakiya, Latviya, Estoniya, Bosniya va Gertsegovina, Albaniya, Armaniston, Isroil va Chernogoriya.
Bugungi to'qnashuv ushbu geografiyani yanada kengaytiradi. Eng muhimi, Portugaliya bilan bahsda qo'lga kiritiladigan har bir ochko vakillarimizning guruhdan chiqish imkoniyatlarini saqlab qolish uchun suv va havodek zarur.
⏰ Eslatib o'tamiz:O'zbekiston - Portugaliya uchrashuvi bugun soat 22:00 da boshlanadi. Terma jamoamizga omad yor bo'lsin!
