Nasaf jamoasidagi o'yinlari bilan muxlislar nazariga tushgan futbolchi O'zbekiston yoshlar va olimpiya terma jamoasida ham g'alabalarga munosib hissa qo'shgan. Ayniqsa, 2018 yil Xitoydagi qita chempionati finalida ikkinchi bo'limda zaxiradan maydonga tushib o'zining poziciyasida raqibga imkoniyat bermagandi. Shuningdek, OCHL guruh bosqichi yo'llanmasini beruvchi Al Xiddga qarshi bellashuvda gol urib qozonilgan muvaffaqiyatda muhim rol o'ynagandi.

Ikkala qanotda va markazda barobar o'ynaydigan yarim himoyachi joriy yilda Bekobodning Metallurg jamoasi bilan shartnoma imzoladi. Murabbiy Andrey Shipilov ham shogirdidan umidi katta ekanligini ta'kidlab o'tdi. Uning do'stlari va sobiq jamoadoshlari saytimiz orqali tilaklarini va fikrlarini bildirdi.

Sherzod Nasrullaev (Nasaf futbolchisi): Doniyor akamni juda hurmat qilaman. Inson sifatida harakateri samimiy. Maydonda ham, uning tashqarisida ham maslahatlarini ayamagan. Ularga eng yaxshi tilaklarimni bildirib qolaman. Sog'lik, salomatlik va Yevropaning kuchli klublarida o'ynashlarini tilab qolaman. Garchi, maydonda raqibga aylansakda, hayotda aka-ukadekmiz.

Shahzod Ubaydullaev (Metallurg futbolchisi”): Jamoadoshimga uzoq umr va baxt tilayman. Faoliyatlarida ulkan zafarlar tilab qolaman. Doniyor Narzullaev kuchli va Mahoratli futbolchi sanaladi, jamoadagi bollar bilan yaxshi chiqishib ketdilar. Maydonda o'ziga xos dribling va tezligi bilan ajralib turadi. O'z vaqtida olimpiya terma jamoasi bilan ham katta yutuqlarga erishganlar. Biz bilan ham mashg'ulotlarda barobar mehnat qiladilar va astoydil ter to'kadilar. Umuman olganda mehnatkash inson.

Saytimiz xodimlari va muxlislari nomidan Doniyor Narzullaevni bugungi tavallud ayyomi bilan samimiy tabriklaymiz. Mustahkam sog'lik, uzoq umr tilaymiz.

Abdulaziz Iskandarov tayyorladi

Osiyo chempioni Doniyor Narzullaevni tabriklaymiz!