OKMK safida uzoq yillardan beri to'p surgan ikki nafar futbolchi jamoani tark etadi

Khoja
28 noya 2025
OKMKning uzoq yillik futbolchilari Dilshod Ahmadaliev va Akram Komilov qishda jamoani tark etishlari mumkin.

Har ikki futbolchi uchun Superliga 30-turidan o'rin olgan "Mashal"ga qarshi o'yin katta ehtimol bilan olmaliqliklar safidagi so'nggisi bo'ladi.

Ma'lumot uchun, Komilov 2021 yildan beri OKMK safida harakat qiladi. U joriy mavsumning asosiy qismini jarohat sababli o'tkazib yubordi va Superligada 10 ta uchrashuvda maydonga tushib, 1 ta assist qayd etdi. Dilshod Ahmadaliev ham 2021 yildan beri olmaliqliklar safida to'p surib keladi. U joriy mavsum Superliganing barcha uchrashuvlarida maydonga tushdi va 5 ta golga assistlik qildi.


KhojaMuallif
Manba: championat.asia