OFK 2026/27 yilgi mavsum uchun licenziyalangan klublarni e'lon qildi: O'zbekistonning 19 ta jamoasi ro'yxatda

Aslanov Jasurbek

25 okt 2026, 22:56

Osiyo futbol konfederatsiyasi 2026/27 yilgi mavsum uchun qita miqyosidagi klublar musobaqalarida ishtirok etish huquqini beruvchi licenziyaga ega bo'lgan jamoalar ro'yxatini rasman e'lon qildi.

Ro'yxatga ko'ra, O'zbekistondan jami 19 ta futbol klubi OCHL Elit va OCHL-2 musobaqalari uchun licenziyalashtirish jarayonidan muvaffaqiyatli o'tgan. Ushbu jamoalar quyidagilardan iborat: OKMK, "Andijon", "Buxoro", "Dinamo", "Bunyodkor", "Mashal", "Nasaf", "Xorazm", "Qo'qon-1912", "Metallurg", "Navbahor", "Neftchi", "Paxtakor", "Lokomotiv", "So'g'diyona", "Aral", "Qizilqum", "Sho'rtan" va "Surxon".

Shuningdek, OFK talablariga asosan, OCHL Elit va OCHL-2 musobaqalari uchun licenziyani qo'lga kiritgan klublar uchinchi darajali turnir – Osiyo Chelenj ligasida ham ishtirok etish huquqiga ega deb hisoblanadi.