Bu haqda Cadena SER xabar bermoqda.
Eslatib o'tamiz, 2023 yilda "Barselona" va uning rahbariyatiga Ispaniya Qirollik futbol federatsiyasida (RFEF) faoliyat yuritgan Hakamlar texnik qo'mitasining (CTA) sobiq vice-prezidenti Xose Mariya Enrikes Negreyraga to'lovlar amalga oshirishda poraxo'rlik ayblovi qo'yilgan edi. Kuni kecha "Barselona B"ning sobiq bosh murabbiyi Jerar Lopes sudda ko'rsatma berib, Negreyra o'g'lining hisobotlaridan foydalanganini ma'lum qildi. Bu Kataloniya klubining rasmiy talqinini tasdiqladi.
Endi sudya Alexandre Xil "Barselona"dan moliyaviy hisobotlarni olishi qoldi xolos - ko'k-anorranglilar ularni "Real" so'roviga binoan taqdim etishga majbur. Dastlab sud 2010 yildan 2021 yilgacha bo'lgan davr uchun auditorlik xulosalarini so'ragan Madrid klubining iltimosnomasini rad etgan edi, biroq Barselona Oliy provinciya sudi "qaymoqranglilar" talabini qisman qanoatlantirdi.
Hujjatlar sudga 2027 yil boshiga kelib yetib borishi kutilmoqda. Ular sudya qo'liga tushishi bilanoq, u yakuniy qarorni qabul qiladi: yo ish yuritishni to'xtatib, ishni arxivga topshiradi, yoki keyingi ko'rib chiqish uchun sudga yuboradi.
