29 avgust kuni Jalolobodda "Barselona"ning 29-akademiyasi ochiladi. Mazkur tadbir doirasida "Barsa" afsonalari va Markaziy Osiyo termasi faxriylari ishtirokida bahs bo'lib o'tadi.
Unda O'FA birinchi vice-prezidenti Ravshan Ermatov hakamlik qilishi, unga qanotlarda Bahodir Qo'chqorov va Abduhamidullo Rasulov yordam berishi ko'zda tutilgan. Bundan tashqari, Markaziy Osiyo tarkibida OKMK ustozi Mirjalol Qosimov harakat qilishi kutilmoqda. Uchrashuv 30 avgust kuni Dolon Omurzakov nomidagi stadionda Toshkent vaqti bilan 19:00 da start oladi.
