29 август куни Жалолободда "Барселона"нинг 29-академияси очилади. Мазкур тадбир доирасида "Барса" афсоналари ва Марказий Осиё термаси фахрийлари иштирокида баҳс бўлиб ўтади.
Унда ЎФА биринчи вице-президенти Равшан Эрматов ҳакамлик қилиши, унга қанотларда Баҳодир Қўчқоров ва Абдуҳамидулло Расулов ёрдам бериши кўзда тутилган. Бундан ташқари, Марказий Осиё таркибида ОКМК устози Миржалол Қосимов ҳаракат қилиши кутилмоқда. Учрашув 30 август куни Долон Омурзаков номидаги стадионда Тошкент вақти билан 19:00 да старт олади.
