Millatlar Ligasi 1/4 finali va o'tish o'yinlari juftliklari ma'lum bo'ldi

Sherzod Nurmatov
20 noya 2026, 18:40
Juma, 20 noyabr kuni Shveytsariyaning Non shahrida 2026/27 yilgi Millatlar Ligasi 1/4 final va o'tish o'yinlariga qur'a tashlash marosimi bo'lib o'tdi.

Qur'a natijalariga ko'ra, elita divizionining chorak final bosqichi juftliklari, shuningdek, A/B va B/C divizionlarida yuqorilash hamda o'z o'rnini saqlab qolish uchun kechadigan o'tish bahslaridagi raqiblar aniqlandi.

Chorak final va o'tish o'yinlarining dastlabki uchrashuvlari 2027 yil 25-27 mart kunlari o'tkaziladi. Javob bahslari esa 28-30 mart kunlariga rejalashtirilgan.

Chorak final g'oliblari 2027 yil 9-13 iyun kunlari bo'lib o'tadigan Millatlar Ligasining final turnirida ishtirok etadi.

Millatlar Ligasi chorak final juftliklari:

Norvegiya - Angliya

Ispaniya - Fransiya

Niderlandiya - Portugaliya

Belgiya - Germaniya

Millatlar Ligasi yarim final juftliklari:

Niderlandiya / Portugaliya - Ispaniya / Fransiya

Belgiya / Germaniya - Norvegiya / Angliya

A ligasida ishtirok etish huquqi uchun o'tish o'yinlari:

Bosniya va Gertsegovina - Daniya

Vengriya - Serbiya

Irlandiya - Xorvatiya

Sloveniya - Uels

B ligasida ishtirok etish huquqi uchun o'tish o'yinlari:

Kipr - Shimoliy Makedoniya

Estoniya - Ruminiya

Farer orollari - Gruziya

Belarus - Isroil

Eslatib o'tamiz, Millatlar Ligasining amaldagi g'olibi Portugaliya terma jamoasi hisoblanadi. Ular turnirning o'tgan mavsumdagi finalida penaltilar seriyasida Ispaniyani mag'lub etgan edi.

O'xshash yangiliklar

Sherzod NurmatovMuallif