Bu haqda “TEAMtalk“ xabar berdi.
Manba ma'lumotlariga ko'ra, 20 yoshli niderlandiyalik futbolchi top-klublarda katta taassurot qoldirgan va "Liverpul" uchun himoya qanotidagi muammoning echimiga aylanishi mumkin.
O'ng qanot himoyachisi yangi mavsumni yorqin boshlaganidan so'ng "Liverpul" Ridni kuzatishda davom etmoqda. U Niderlandiya chempionati doirasidagi 7 ta uchrashuvda 5 ta golli uzatmaga mualliflik qildi.
2026 yilning yozida Rid Angliyaga ko'chib o'tishga juda yaqin kelgan edi: "Nottingem Forest" rasmiy taklif bilan chiqqan, "Everton" esa jiddiy qiziqish bildirgandi. "Everton"ning qiziqishi "Roma" tomonidan bildirilgan e'tibor bilan ham mustahkamlangan edi - har ikki klub ham Friedkin Group tarkibiga kiradi. Biroq kelishuv amalga oshmadi va Rid Niderlandiyada qoldi.
Manbaga ko'ra, Rid yanvardagi transfer oynasi uchun muhim variantlardan biri bo'lishi mumkin. Ko'p narsa qaysi klublar o'z qiziqishlarini rasmiy taklifga aylantirishga qaror qilishiga bog'liq bo'ladi.
Futbolchining "Feyenoord" bilan amaldagi shartnomasi 2029 yilning 30 iyuniga qadar mo'ljallangan. Transfermarkt portali uning transfer bahosini 25 million evroga baholamoqda.
